Renewing A Philippine Passport at DFA Cebu: List of Requirements (Bisaya/Cebuano)

*
Ang impormasyon nga nakabutang dinhi base sa website sa DFA. Giawhag ang tanang aplikante nga moadto sa DFA Cebu ug mokuha ug updated nga lista sa mga requirements, kay matod pa sa DFA, dili regular ang ilang pag-update sa ilang website ug basin aduna na’y mga kausaban sa panahon nga mag-apply na mo ug passport. Salamat.

Mao kini ang mga papeles nga kinahanglan ihatag sa DFA aron makapa-renew ug passport:

1. Karaan nga passport
2. Usa (1) ka valid picture ID – sama sa driver’s license o senior citizen’s ID. Ang kumpleto nga lista sa mga ID nga dawaton sa DFA makita dinhi nga website: https://smalltowngirlsmidnighttrains.com/2015/02/24/philippine-passport-requirements-id-supporting-documents
3. Tulo (3) ka supporting documents – sama sa voter’s ID, marriage contract, ug cedula. Wala’y labot ang baptismal certificate. Ang kumpleto nga lista sa mga supporting documents nga dawaton sa DFA makita dinhi nga website: https://smalltowngirlsmidnighttrains.com/2015/02/24/philippine-passport-requirements-id-supporting-documents
4. Application form – pwede ni makuha sa guard sa DFA o ma-download online
5. Additional requirement(s) nga mag-depende sa klase sa imong karaan nga passport (basaha sa ubos)

Kung ang imong karaan nga passport kay BROWN, kinahanglan pod ka mo-submit ug:

1. Photocopy sa page 1-4 ug last page sa imong passport
2. Birth certificate gikan sa NSO

Kung ang imong karaan nga passport kay GREEN, kinahanglan pod ka mo-submit ug:

1. Photocopy sa first ug last page sa imong passport

Kung ang imong karaan nga passport kay Machine Readable Passport (MRP) nga gi-issue niadtong 2007, kinahanglan pod ka mo-submit ug:

1. Photocopy sa first ug last page sa imong passport
2. Birth certificate gikan sa NSO

Kung ang imong karaan nga passport kay Electronic Passport (E-passport), kinahanglan pod ka mo-submit ug:

1. Photocopy sa first (data page) ug last page sa imong passport

*
Ang mosunod nga mga tawo adunay mga dugang pa gyud nga papeles nga kinahanglan ihatag sa DFA:

• Mga babaye nga minyo nga buot mogamit sa apelyido sa ilang bana — marriage contract nga gikan sa NSO
  Mga DOST scholar — certification o clearance gikan sa DOST
• Sa mga mosunod nga mga tawo, palihug lang ug tan-aw sa kumpleto nga lista sa mga dugang nga requirements sa kani nga DFA website: http://www.dfa.gov.ph/index.php/2013-04-04-07-00-11
  • Mga asawa sa foreigner nga buot mogamit sa apelyido sa ilang bana
  • Mga babaye nga minyo nga ganahan mogamit ug balik sa ilang apelyido pagka-daga
  • Mga menor de edad (17 anyos paubos)
  • Mga dual citizen
  • Mga nibalhin sa relihiyong Muslim nga buot mogamit sa ilang Muslim name

For the English version of these requirements, please click here.

Source: DFA: Requirements for Renewal of Passport 

Alang sa dugang kasayuran mahitungod sa pagkuha ug passport, basaha ang: Passport Application/Renewal at DFA Cebu: What You Need To Know